係灣仔要搵間環境舒服有靚景，又可以靜靜地傾計既地方真係唔容易咖。其中一間可以考慮既就係位於分域碼頭既Quayside。
分域碼頭，我相信好多人唔知係邊，甚至聽都未聽過！呢個碼頭係演藝學院既附近，係當年美國軍艦訪問香港停泊既地方，經過時間既洗禮，依家成為左一個好冷清既海軍廣場。正因為咁，呢間餐廳擁有無敵既靚景！
食物方面，我覺得個steak同羊架係真心推介！個steak充滿住肉汁，肉質都算係幾彈，唔會咬唔開咁！不過建議你叫medium rare，因為我地叫medium rare出黎既效果都有六七成！至於個羊架，佢用左好多款香料醃過再煎，所以唔會太氈，就算怕羊氈味既人都食到！
甜品方面，大家真係要留肚食佢個火焰雪山 FLAMBÉ Baked Alaska！上菜後服務員會係你面前倒酒精，然後點火，記住要把握呢個咁短暫既時間映相呀！雪山入面係海綿蛋糕，好軟咖！其實我唔太鐘意火焰雪山層蛋白，不過要黎映想厄like都抵返哂啦！
如果以佢既環境同食物質素黎講，人均消費HKD$300-400都可以接受既！
QUAYSIDE (灣仔)
灣仔龍景街1號分域碼頭海軍商場地下
Search